قرر الفنان محمد سرور طرح مينى البوم بعنوان "النبى دانيال"
وهو نفس اسم الديوان الذى سيطلقه الشاعر محمد عبدالله حموده قريباً بالمكتبات والاسواق
وسيوزع الالبوم حصرياً مع صفحات الديوان
ومن حوارنا مع سرور قال ان الالبوم سيتكون من اربع اغانى فقط وهم :
١- هروب
بقرب من الحياة تخاطيف
و أشوفها من عيون الناس
أنا من الناس لكن إحساسي مش منهم
كرهت الزهد و التدوير
كرهت الضلمة في قلوبهم
وصلت و برضو مش بوصل
بلف في دايرة مقفولة
و مرغم أحب في الغايبين
كسبت الناس علي عيبهم و خسروني
٢- درويشة (سماعي جاز)
مانيش درويش يا درويشة
ولا قلبي اتخلق مداح
و حبك دنيا مش ريشة
يا ليل فايت مابعده صباح
٣- قلبي اللي زاهد
قلبي اللي زاهد في الوجع بطل يخاف
قلبي اللي م الأحزان شبع صابه الجفاف
قلبي اللي عاشلِك لحن صوفي بيعزفك و يرتلك
كره الموسيقي و الصوفية في حضرتِك
كره العفاف
٤- Off Mood - Improvisation- Wa7dy
بداية كل ليل وحدي
بفكر فيكي و استني
بشوف صورتك علي حيطاني
فا أكلمها...!
سرور تعاون مع مجموعة من الموسيقيين لإنتاج المحتوي وهم موسيقين من نفس مشروعه
الميني ألبوم تدور قصته من الناحية الموسيقية حول تكوين محتوي موسيقي ذو لمسة صوفية ضمن سياق موسيقي مرن و متباين، حيث :
- التراك الأول : مزج موسيقي بين موسيقي الروك و الموسيقي الشرقية.
- التراك الثاني : مزج موسيقي بين الموسيقي الشرقية الغير معتادة مع موسيقي الجاز الخفيفة.
- التراك الثالث : تراك شرقي بروح معاصرة بإستخدام آلة القانون فقط.
- التراك الرابع : تراك إرتجالي بمصاحبة العود من داخل الستوديو!
الموسيقين المشاركين ف الالبوم :
اسامه فايز : عود
احمد جابر : قانون
محمد ابراهيم : مهندس صوت
خالد بسيونى : موزع موسيقى ومهندس صوت
كلمات الالبوم للشاعر محمد عبدالله حموده
تم تسجيل الالبوم فى استوديو Clipect
مزيد من التفاصيل داخل لينك الايفنت
