بدروم | منصة دعم الفن المستقل: مارس 2015

بعد ماأعلن الباند عن حفلة في القاهرة وفرح الجمهور وكله بقى مستعد وحضر نفسه حصل مشكلة كبيرة سعر التيكيت كان صدمة كبيرة جدآ للجمهور لأنه غالى جدآ مقارنة بأسعار حفلات الاندرجراوند واتحول ايفينت الحفلة لموجة كبيرة جدآ من السخرية علي الباند وعلي سعر التيكيت الجمهور مش هيدفع 225 جنيه عشان ميحسش انه بيستهتر بيه
ومن التعليقات السخريه علي الباند ...

1 - مفيش نظام تقسيط لسعر التيكيت؟
2- يعنى انت عايز تتجوزها بلا فلوس وبلا بيت وعايزنا إحنا ندفع 225 جنيه -_-
3- اجيب التيكيت منين؟؟؟ واجيب فلوس التيكيت منين؟؟؟
4 - أخوي جوا التنت عم بينوح
5 - التيكيت ب 225 ؟ لا انا هروح انضم لداعش

بس من ناحية تانيه وفانز الباند اللى مش هيبقى فارق معاهم سعر التيكيت عملو برضه هيجيبوها ب 175 ازاي؟ كل 4 من ع تويتر هينزلو سوا يجيبوها ع اساس انهم اصدقاء عشان مش هيدفعو ال 225 وشايفين ان كدا احسن في ناس شايفه انها ممكن تدفع ال 175 ف حاجة تبسطها زي المزيكا او شايفه ان المزيكا ممكن يتدفعلها كتير عشان هيا حلوة، من ناحية اخري قرر مجموعة من الشباب اللى مش هيقدرو يكونو متواجدين ف الحفلة يعملو ايفنت اسمه "الحل رومانسي فى صحبة" هيكون في وقت الحفلة فى صحبة كافيه عشان يسمعو الباند و يعملو مسابقات وميحسوش انهم بيستهترو بيهم الناس دي محبين لمزيكا الأندرجراوند وشايفين ان مشروع ليلي مبقاش متواجد مع مزيكا الاندرجراوند عشان النوع ده بيتكلم عن السياسة وحال البلاد وفي نفس الوقت عشان اسمع الكلام ده بالاداء الحلو ده هدفع 225؟ ليه احس انى مستهتر بيا ممكن ادفعهم في حاجة افيد بكتير، الباند عمل حفلة في بورتو كايرو مول ببلاش, وعمل حفلة في الجامعة الامريكية ب 150 جنيه واما راح الميوزك تنت وصلت سعرها ل 225.

.. شايف المشكلة فين كدا؟

- حينحصر كلامي عن المغنين و الباندات بس لو انت موهوب في اي حاجة فنية غير دة ف برضوا المقالة حتفتحلك طرق للدعاية عن مواهبك -

لو مغني او انت باند او حتى ايفنت بلانر لما تكون بتعمل حفله لازم تبقى عارف ازاي انت هتوصل الايفنت بتاعك للناس و ساعاتها تقدر تبقى خارج من الحفلة عارف انت مكمل طريقك ولا محدش في البلد دي حيسمعك و حتى لو محدش حيسمعك ف غني لنفسك و بما ان الفن في البلد دي بقى اغلبة بزنس ف شوف انت حابب تعمل اية، المهم اللي حتكلم فيه تقريباً محدش كتب عنه حاجة و هو ازاي تعمل دعاية لنفسك و لحفلتك و كلامي حيكون تحديداً عن دة داخل مصربصفتي عايش هنا، المهم يا سيدي كلامي اللي جي حيبقى متقسم لحاجتين ( الدعاية للفنان + الدعاية للايفنت ) اول حاجة، انت كـ( شخص/باند) قبل ما تفكر تعمل حفلة لازم يبقى عند القاعدة اللي حتقدر على اساسها تدعى الناس " الجمهور" بمعنى اصح لانهم ينزلوا من بيوتهم أو يقوموا من علي القهاوي أو يسبوا شغلهم و يجولك و القاعدة دي بما انك مزيكاتي فقاعدتك هي المزيكا و الأغاني و الأشعار، و في مصر المواقع المعروفة هي الساوند كلاود و اليوتيوب و الشير بيكون من فيسبوك او تويتر و نادراً جوجل بلس و بالنسبة لمغني غلبان او باند معهوش تمويل ف الحاجات دي و ادارتها بتمشي بالحب ف الغالب و هنا بداية كلامي.

الدعاية للمغني او للباند " الغلابة او الجداد "

ساعات في مغنيين او باندات بيقولوا ان فنهم بس هو الدعاية بتاعتهم و انه مجرد ما ينزل تراك ليه علي الساوند كلاود دة كافيل بانه يعمله دعاية و دة شئ مش صحيح اطلاقاً الا بالصدف ولان النجاح اللي بيجي بالصدفة بيتلاشى صدفة فلازم النجاح دة يجي بخطوات و مجهود ، مش شرط يبقى عندك ويب سايت في بدياتك بس حيبقى شرط لما جمهورك يكسر حاجة ال 10 الاف شخص لان 10 الاف شخص حيكون موقعك بالنسبة ليهم ارشيف ليك يعني صورك و فيديوهاتك و سيرتك الذاتية و تراكاتك و مواعيد حفلاتك و الاخبار اللي بتتنشر عنك و الخ الخ .

الفيسبوك و تويتر و جوجل بلس : لازم يكون عندك صفحة علي كل شبكة من تلات شبكات التواصل دول " صفحة مش اكونت شخصي " ولازم تهتم بصورة البروفايل و الكوفر لان دي وجهتك و تبقى محافظ علي معدل نشر يومي ثابت يعني مثلا شير 3 صور و 3 تراكات و فيديو و مش شرط تشير ليك ممكن تشير للناس اللي هي قدوة بالنسبالك و تعرف جمهورك قد اية الناس دي قريبة من قلبك، كلام اهبل ؟ لا مش كلام اهبل دة بحدد جمهورك حتي لو مكنش حتى حد ليهم سمعلك تراك بس هو حيبقى عارف انك باند او شخص عنده زوق و خلفيه عن اللي بيقدمة مش بيقدم و خلاص بس ميبقاش كل محتوي صفحاتك ناس غير لازم يبقى ليك نسبة اكتر من 50% من اللي بتنشره عندك و بتكلفة 200 جنية مصري ممكن تعمل لنفسك حملة دعاية علي الفيسبوك و باستخدام شوية هاشتاجات تقدر تحقق متابعه ليك علي تويتر و اللي من خلالة ممكن تقعد تهري في اي حاجة بس لازم الناس تشوفك بتتكلم و تفهم دماغك لان جمهورك لازم يعجب بدماغك قبل صوتك لانه لو غير كدة فانت مجرد بلونة و حتفضى و تختفي مع الوقت امال الانستجرام يا برنس ف دة لزمته ان الناس تشوف وشك و تفضل فكراك تهز تنشر صورك السيلفي تتصور و انت مش واخد بالك المهم خلي الناس شيفاك.

ساوند كلاود و يوتيوب : لما تيجي ترفع تراك علي الساوند حاول تعمل شرح كويس للتراك و تضيف الكلمات في الديسكربشن و تخلي اسم التراك بالعربي او الانجليزي المهم متكتبش فرانكوا خااااااالص + لازم تعمل ارت روك كويس " الصورة اللي بتبقي في خلفية التراك " + لازم تحدد نوع التراك و البلد في التاجز اللي بتكون تحت التراك علشان دة بيمكن الساوند بانه ينشر تراكاك في الكولكشين اللي عاملها عنده و دي دعاية ليك في حد نفسها، اما اليوتيوب ف حاول تكون احترافي في اللي بتنشره علي قد ما تقدر و تضيف بياناتك في الشرح و لينكات التواصل معاك و مش لازم رقم تلفونك محدش حيطلبك في حفلة من اول تراك ولا اتنين يعني بلاش غباوة + ممكن تعمل فيديو كليب تصور فيه نفسك و اصحابك بشكل اخراجي بسيط و الصوت بتاعة يكون تراك ليك بس خلاص كدة الكليب اتعمل و الناس حتشوفه و كل واحد طلع في الكليب حيعمل شير لية و حيتشاف.

ولو عايز تعرف اكتر عن ازاي تظبط السوشيل ميديا بتاعتك بشكل احترافي جداً الينك دة حيكون مفيد ليك بشكل مش ممكن تتخيله

دة عن ازاي تدير السوشيل ميديا بتاعتك

http://bit.ly/1zZfouB

ودة عن ازاي تعمل ديزاين حلو لنفسك من غير مساعده

http://bit.ly/designkhdio

حبة ملاحيظ

محيطك الشخصي هو اللي حيساعدك بشكل اساسي في انك تكبر دايرة جمهورك يعني اصحابك يعملولك شيرهنا و ريتويت هناك و لايك هنا و جونج هناك و كدة يعني لحد ما تبدء الناس تاخد بالها منها في الوقت دة متبقاش غتيت علي قد ما تكون لطيف يعني متخليش كلامك مع اصحابك عن فنك لا كون طبيعي بس جزء الفن دة اطلب دعمهم ليك فيه بالحب مش بالغتاته + انت مش قليل مهما كنت مش معروف ف متحاولش تزل نفسك لحد علشان ينشرلك شغل السبكي دة ملهوش مكان على السوشيل ميديا - الحاجة التانية اللي تعتبر مشكله بتواجه معظم الفنانين المبتدئين او الباندات ان معندهمش كلمات جديدة وعلشان كدة كل فين و فين ما يعملوا تراك مبدئياً مش شرط تكون مؤلف علشان تبقى مغني ياسيدي عندك تاريخ كبييييير جداً من الاغاني اختار منهم و غني و اظهر صوتك و ساعتها حتلاقي الشعرا و المؤلفين اللي يسمحولك و يعرضوا عليك كمان تغني حاجات ليهم ف متعطلش روحك ع الفاضي المهم يعني خلي صوتك شغال و اتاكد انه حيتسمع -.

الدعاية للإيفنت

اكتر حاجة بتكون مرعبة لفنان جديد هي اول حفلة لانة مش بيكون ضامن انه حيأدي كويس او ان في حد حيحضر من الاساس بس بص يا سيدي الدعاية للايفنت ببساطة هي انك بتستخدم كل الوسائل اللي ذكرتها فوق دي بان تعرف الناس بحفلتك و تدرش مع الجمهور بخصوص انهم يحضرولك و اية اللي يحبوا يسمعوا،، الخ و في شوية وسائل تانية مفيدة جداً و حتكبر دايرة اللي ممكن يحضرولك و هي انك تراسل ( في البلد + مواعيد + بدروم + البوابة نيوز ) دول بيساعدوا المواهب و الفنانين الغير مشهورين و حيتفاعلوا معاك و حيساعدوك في نشر حفلتك و في الحفلة حتواجة نتيجة تعبك دة كله بالنجاح ان شاء الله :))

نمي موهبتك، فكر صح، خطط، حارب، تنجح :)

و بس يا سيدي بالتوفيق

الخميس 12-3-2015

حفل دينا الوديدى على مسرح مكتبة مصر الجديدة
الخميس 12/3/2015
حفل 6.30 مساءً
حفل 8.30 مساءً
سعر التذكرة 45 جنية

عن دينا الوديدي :

اكتشفت دينا شغفها بالموسيقى من خلال فرقة الورشة المسرحية التي التحقت بها حين كانت لا تزال طالبة بقسم اللغات الشرقية بكلية آداب القاهرة. وفي الورشة تدربت على أنواع مختلفة من التراث الغنائي وبدأت في التعرف على الإمكانات الغنائية لصوتها تحت إشراف المدرب الموسيقي وعازف العود ماجد سليمان. شاركت دينا أيضاً في العديد من ورش العمل مع موسيقيين مستقلين داخل مصر وخارجها، مثل فتحي سلامة، الحائز على جائزة جرامي، والمطربة وكاتبة الأغاني كاميليا جبران.
في الفترة الأخيرة قامت دينا مع مجموعة من الموسيقيين بتأسيس فرقة تصفها هي بأنها مشروع دائم التطور، وقدمت الفرقة العديد من العروض دمجت فيها فنون تقليدية، مثل السيرة الهلالية والغناء الشعبي القديم، مع الموسيقى الحديثة .
لا تزال دينا تستلهم الكثير من موسيقاها من هوية وتراث مدينتها القاهرة، غير أن هذا الإلهام كثيراً ما يأخذها إلى ما هو أبعد من حدود المدينة. فهي الآن تشارك مثلاً في "مشروع النيل"، مبادرة موسيقية وبيئية تجمع موسيقيين ومفكرين من جميع دول وادي النيل. كما أنها حصلت على جائزة من مبادرة رولكس الدولية لدعم الفنانين الواعدين، ستقضي من خلالها فترة مجاورة مع المطرب البرازيلي الشهير جيلبرتو جيل. وتعتبر هذه نقطة تحول مهمة في مشوار دينا الفني حيث ستتيح لها الغناء جنباً إلى جنب مع جيل في عدد من المهرجانات الموسيقية الدولية في مختلف أنحاء العالم.

للحجز والاستعلام
مكتبة مصر الجديدة :42ش العروبة - مصر الجديدة
تليفون :22912412
موبايل :01142464426
مواعيد الحجز : من 9 ص الى 8 م

اوبرا البلكونة
موسيقي كلاسيكية خارج الاطار المعهود
جولة فن الترانزيت في بورسعيد ودمياط والمنصورة والقاهرة
من 12 إلى 16 مارس 2015
مع تياترو للمسرح المستقل

تسعي "محطات" للفن المعاصر في جولتها الثالثة الثانية من فن الترانزيت بالتعاون مع فرقة تياترو للمسرح المستقل الي اتاحة الموسيقى الكلاسيكية والاوبرا لجمهور الشارع خارج الاطر المعروفة والاشكال النمطية المتعارف عليها لهذا النوع من الفن، حيث تدعو عروض اوبرا البلكونة الماريين في المدن التي تزورها محطات الي الاستمتاع بالموسيقي الكلاسيكية والاوبرا في كل من بورسعيد ودمياط والمنصورة وحي المنيل بالقاهرة.
فيفاجيء المارة باصوات موسيقية جميلة، ومشهد محبب يستوقفه من سعيه اليومي الدئوب لبرهة لينسى همومه اليومية ويستمتع بعرض حي ممتع وحميم وقيم قد لايستطيع عادة ان يحضره.

مع تياترو للمسرح المستقل
Teatro Independent Theatre
Www.Teatroonstage.com
أسس الفنان التشكيلي والمخرج المصري عمر المعتز بالله فرقة تياترو للمسرح المستقل عام ٢٠٠٣ بهدف إقامة منظومة حوارية هدفها التواصل بين الفنان والجمهور من خلال تقديم عروض مسرحية تهتم بالقضايا المصيرية التي تواجه الانسان.
قدمت تياترو منذ تأسيسها العديد من العروض المسرحية والموسيقة في مصر والعالم واستطاعت ان تحصد العديد من الجوائز الإقليمية والدولية تحت شعار "صنع في مصر".

اداء

لبنى دغيدي واحمد صبري

ملابس واكسسوار

سارة خليل

اخراج

عمر المعتز بالله

هندسة صوت

ماجد منير

لينك الايفنت : https://www.facebook.com/events/1014520238576504/