سينما شارعنا هو مشروع بيقوم بية 3 شباب و هما مصطفى حسين و مني سليمان و محمد يسري فكرة المشروع هي انهم بيقدموا عروض سينما فى مدينة السلام
طب و ليه في الشارع ؟ علشان هما عاوزين يعملوا تغيير حقيقى مش تغيير فى الهوا دة مكانه الشارع مش جوا الجدران و إشمعنا مدينة السلام يعني؟ لان مدينة السلام زيها زى مدن كتيرة يأما مفيهاش دار عرض سينما يأما فيها و ميته و علشان كدة لازم في الشارع لازم الناس تتفرج طب و لية افلام سينما مش عروض مسرح مش اى حاجه تانية ؟ لان السينما يا سيدي احد اهم الفنون و اللى بتجمع فيها كل او معظم الفنون الموجوده من رسم الى ادب و مسرح و موسيقى و كده, و ليه افلام سينما ؟ علشان حاجتين. الحاجة الاولانية هى ان اسعار دور العرض غالية بحيث ان مصريين كتير ياما راحوا السينما عدد مرات قليل جدا فى حياتهم ياما مارحوش اساسا،، الحاجة التانية بقى هى اننا بقالنا كتير بنشتكى من سوء مستوى السينما و نمنع دا و نقول على دا زفت و على دا مستقل و على دا وحش و على دا تحت المستوى و دا مش عارف ايه و الى اخره لكن المشكلة الحقيقة تكمن فى المتلقى نفسه وقدرته على الاختيار ، فا اللى بنتمنى تعمله بمشروع سينما شارعنا هى انها تطرح شكل مختلف و نوع تانى غير المتاح فا المتلقى يبتدى يشوف ان فى اختيارات اخرى غير المتاح فا مع الوقت يبقى عنده امكانية الاختيار بين متعدد مختلف مش متعدد متشابه، من الأخر مشروع سينما شارعنا تقدر تقول علية شباك للمعرفة وسط مدينة السلام فكر فيها كدة، ممكن يعانوا في الأول بس النجاح في إنتظارهم.
لو حابب تتابعهم او تروح تتفرج او تتواصل معهم دة لينك صفحتهم علي الفيسبوك
هو فريق موسيقي مصري مستقل يعمل على خلق صوت وكلمات وحكايات مختلفة عن طريق استكشاف عوالم صوتية وإنسانية جديدة والمزج بين نوعيات وعوالم موسيقية مختلفة.
يتكون "هوس" من 8 موسيقيين، هم:
محمود ماهر الخطيب (مغنٍ)
مروان فوزي (أوكورديون)
أمير رسمي (كيبورد)
هشام أنس (عود)
وجميعهم كانوا من أعضاء فريق "المغنى خانة"
بالإضافة إلى المعتز بالله موسى (جيتار)
محمود والي (باص جيتار)
جيسي سيوفليس (درامز) وبودا أبو اليزيد (إيقاعات).
تقدر تسمع اغانى فرقه هوس من هنا
من اغنيه من زمان جداً لمحمد محسن
فكره وتنفيذ بدروم
اسمع الاغنيه من هنا
من اغنيه عارف لذكرى
فكرة وتنفيذ بدروم
اسمع الاغنية من هنا
الشهره : كريم ابراهيم
السن : 22
الدراسه : طالب فى كليه العلوم جامعه حلوان
البدايه :
ممكن نقول مع سنه 2010 بداءت اقرأ للعقاد و كتب كتير و بقى عندى شغف جدا بالقراءه و الكتابه .. بدأت اكتب فى روايه بعنوان ساره و لم تكتمل بعد .
كتاباتى بتشتمل على :
القصه القصيره و الشعر العامى
فى مجموعه قصص قصيره بعنوان "فى لحظه ما" لم تنشر و ستنشر الكترونياً
وديوان شعر عنى بعنوان نص مثقف و سينشر فى معرض الكتاب القادم .
بدروم بيدعم كريم .. دعمه انت كمان وتابعه عشان تقرا كتاباته من هنا ..
كريم على فيس بوك
كريم على تمبلر
من اغنيه تدور وترجع لدينا الوديدى
فكره وتنفيذ بدروم
اسمع الاغنيه من هنا
توزيع قديم
توزيع جديد
زمااان من حوالي سنتين كدة لما عملنا بدروم كان في الاول مجرد ارشيف ممكن تخش ع الارشيف من الرابط دة https://sites.google.com/site/bdroom90/ و معاه راديو ولاننا اتفزلكنا وعملنا الارشيف بالانجليزي ف محققش هدفة و هو ان الناس تشوف و تعرف الفرق دي فركزنا ع الراديو و حبه حبه بدءنا نمشي ع الفيسبوك و السايت و الراديو و الساوند و بين وقت والتاني تواجهنا مشاكل في الفلوس و رغبتنا في التطوير و عجزنا عنه لان هدفنا هو اننا نساهم في تغير و تحسين الذوق العام مش اننا نكون ثروة من وراء الموضوع ولا نخش في السكة التجارية،المهم يعني جه في بالنا حاجات كتير منها اننا نعمل مسرح متحرك و فشلنا بسبب الفلوس ففكرنا في تطوير الراديو و فشلنا بسبب الفلوس ففكرنا في اننا نعمل مهرجان دوري و فشلنا بسبب الفلوس،، و من هنا لهنا فكرنا في اننا ممكن نطلب تبرعات من جمهور بدروم في مقابل اننا نوفر مكان نبث منه الراديو بمعدات بث محترمة تكفي بث 24 ساعة و نستغل المكان كمكان للحفلات و الندوات ونعمل نادي سينما و نجيب معدات نغطي بيها الفاعليات بشكل احترافي اكتر، تقدر تقول كدة عايزين نبقى حاجة يستاهلها الجمهور، ف من باب الصراحة ما رائ الجمهور اللي هو انتم في الفكرة دي اية ؟!! مستعدين تساهموا في تطوير بدروم ولا فاكس ؟!
