بدروم | منصة دعم الفن المستقل

الاسم : إسلام محمود أمين

السن : 26 سنة

الدراسة : بكالوريوس نظم معلومات

بداية الغناء : 2008 بدأت محاولات كده أن انا اغني وسط صحابي وهما يشجعوني بعد كده الموضوع كبر وبدء يبقى حلم بالنسبالي .. بعد كده عملت مع شعيب الخطيب "زحمة باند" وعملنا كام حفلة . بعد كده في مشروع فني اتعمل مع باند تاني اسمه "مقام" وعملنا كام حفلة مع بعض .. سبت زحمة و مقام .. وبدأت أتعرف ع نوع تاني من المزيكا ، اغاني "الشيخ إمام" وبالفعل كانت نقطة تحول في صوتي وفي تفكيري .. انضميت لفرقة "الآولة بلدي" ، اتعلمت من زمايلي هناك والشيخ علاء الدين إبراهيم حاجات كتيرة في 2011 و الحمد الله كنت عضو مميز جداً فيها .. من الآولة بلدي عيني فتحت على حاجة انا كنت بسمعها كتير ، بس بعد كده بدأت اتعلمها وتبقى عندي جزء مهم جداً في تشكيل خيالي الموسيقي وصوتي الإنشاد الصوفي : دخلت فرقة سماع للإنشاد الصوفي والموسيقى الروحية والحمد لله كمان قدرت في وقت قصير أكون عضو أساسي في الفرقة ودكتور انتصار عبد الفتاح كان مؤمن بموهبتي .. والناس حبتني جدا في اللون ده ..

في 2014 قررت اني انفصل عن الفرقة ويكون ليا كيان لوحدي ، اكتشفت أني بلحن ولحنت اول تراك ليا من كلمات الإمام الشافعي واشتغلت فيه مع عبد الرحمن وجمال وحازم وعبد الله ومنصور ..

في الوقت الحالي انا انضميت لمشروع جديد اسمه "الحضرة" إلى جانب أن انا حاليا بجهز ل فرقتي أن شاء الله اللي هتكون مهتمة بالطرب والإنشاد الديني ولكن بشكل جديد أن شاء الله

احلامي المستقبلية :

إن شاء الله مزيكتي تلف العالم وصوتي يوصل ل قلوب كل الناس .. و أن انا اعمل حاجة محترمة .. وتكون محتواها للناس .. المزيكا لغة عالمية عشان كده نفسى الف كل بلاد العالم بصوتي و مزيكتي ..

يا رب صوتي يوصل لكل القلوب في يوم من الأيام انا مؤمن بنفسي .. انت مؤمن بموهبتي كمان ولا لاء .!

اكونت اسلام على الفيس بوك

https://www.facebook.com/islam.mahmoud122

بدروم بيدعم اسلام .. دعمه انت كمان واسمع صوته من هنا :)

الاسم : عبدالله امام درويش
السن : 26 سنه
الدراسه : بكالوريوس أدراه اعمال
بدايه الكتابه من 2005
انا بحب اني اتوصف بكاتب مش شاعرلاني بشوف ان قيمه "الشاعر" عظيمه

اتمني في يوم اوصلها .. فا "كاتب" حالياً معقوله في البدايه

انا كتابتي بتشمل كل من :
المسرح و درست سيناريو و حوار في عدد من ورش الكتابه و ليا اعمال مكتوبه و ليا ديوان ( سيكوباتي ) لم ينشر بعد ..
و كتابتي للمسرح و مجموعه افلام قصيره مترتبه علي شغلي كممثل و هو الكرير الاساسي بالنسبالي

ودرست في مجموعه ورش استديوا اعداد الممثل ، واتخرجت منها ( الدفعه الاولى في الهوسابير للمسرح
وورشه عين علي السينما تدريب أ (خالد الصاوي – فتحي عبدالوهاب – نضال الديبس)
و استديو الممثل أ ( احمد كمال ) ، وورشه الارتجال علي مسرح الهناجر .

احلامي المستقبليه :
في الفن ككل مرتبط بالكتابه و التمثيل
معروف ان العمل في السينما او المسرح مرتبط بوجود كتابه جيده و موضوعات مختلفه ، وهنا الفكره اني بحاول اوجد ده .
من اعظم الجمل اللي بتتقال علي صاحب عمل جيد هي ( كاتب باحساس شاعر ) و ده سبب حبي للشعر وربطه بالدرامه دايماً .. بينقصنا جداً و جود اعمال للسينما (غنائيه استعرضيه) ، انا عندي طموح اقدم الشكل ده .

الفن لغه موحده في العالم كله كلنا بنتواصل و بنوصل منها ثقافتنا اهتمامتنا و مشاعرنا و وجهه نظرنا .. الفن الجيد بيعبر عن ارتقاء الشعب .
يارب اقدر اعبر و اوصل صوتي في يوم من الايام .

اكونت عبدالله على الفيس بوك
https://www.facebook.com/abdallah.emam.7

بدروم بيدعم عبدالله .. دعمه انت كمان واسمع كلماته من هنا :)